ESOK YANG BAHARU COVID 19

PERTANDINGAN MENULIS SAJAK DALAM BAHASA INGGERIS DAN BAHASA MELAYU

Add caption

ESEI NORMA BAHARU PASCA WABAK COVID 19

PERTANDINGAN MENULIS ESEI

Add caption

SAJAK CORONA VIRUS DALAM BAHASA IBAN

CORONA PULAI MEH..

digaga Cikgu Sidi

Corona pulai meh

Nuan udah raun ambis dunya

Aku nemu nuan udah lelak

Sekayu dunya udah nemu sapa nuan

Sekayu dunya udah nemu aki inek nuan

Pulai meh..

Cukup mayuh lalau nyadika tenggau

Pemeresi rampa menua patut dikemberanka

Chukup manah enti kitai enda betegu pangan diri

Ia ke indu ia ke laki jaga meh pengingin ati

Amat beguna enti kitai diau aja ba rumah

Begulai begagai enggau diri sebilik

Kami nemu

Kami chukup sibuk ngiga reta ngiga pengeraja

Sampaika kami enda ingat bisi ruang bilik

Ti semampai nganti penatai pemulai kami

Terima kasih Corona

Laban udah ngajar kami reti pengidup

Terima kasih

Laban nguatka pengarap kami ngagai Tuhan siko aja

Terima kasih Corona

Enda lama da agi gawai deka datai

Kami minta kasih, kami minta tulung nuan

Corona pulai meh anang datai agi

Kami ka idup enggau lantang senang

Kami ka begempuru enggau diri sebilik

Enggau kaban belayan

Kami ka betabi enggau panggan diri

Kami ka baka suba, baka kelia, baka munya

Kami  ka dunya penuh enggau pemetang tu berubah

Kami badu nyalahka pangan diri

Kami berubah awakka nyadi anak mensia ti besaup, beserakup

Kami ka idup gaga, idup gerai, idup nyamai

Corona pulai meh

Ngarapka Tuhan

Ngangauka nuan

Ngambi nuan pulai

Pulai meh Corona.

Digaga:

Cikgu Sidi

SMK Bandar Bintulu