ISU-ISU TERKINI

Sunday, August 7, 2016

SAJAK KEMERDEKAAN DALAM BAHASA IBAN 2016

BAHASA IBAN-SAJAK HARI MERDEKA 2016



MALAYSIA, DITU MEH PENGEREMBAI PENGERINDU SERETA PENYAYAU


digaga : Pengajar Sidi (SMK BANDAR BINTULU)

Bercurak gadung
tasik dalam menua
Selat Melaka - Nusantara
bisi pengerindu enda badu
bisi penyayau enda lenyau
iya ti ngasuh kitai lantang senang

bercurak ijau
rampa menua
Titiwangsa - Gua niah
tanah pesaka aki inek
bisi jelu endur ngasu
bisi rumput endur bepaut
ulih enseput lantang senawang

bercurak mansau
tanda enda mudah alah
bujang berani kempang
ngenyan sangkuh sumpit
mansang kitai mansang
Kuala Lumpur, Kuching, Putrajaya, Kota Kinabalu
nyadi ke tanda
kitai merdeka

Sains enggau teknologi
bepun, bepanggai, dikerembai
ari pemintar, pemandai, pengelandik
ngadaka mensia ti menyana
ti ulih megai menua
maju Malaysia terus maju

Malaysia
ditu meh pengerembai pengerindu
penyayau rayat Malaysia
merintah diri
lepas ari munsuh ti rerauh udah runtuh
aram kitai begempuru, bepadu
aram betugung, begerempung
ngetanka menua
awakka teguh
enda rubuh
biar beperekuh
enda meh berkuruh


Malaysia,
ti disayau
ti dirindu
aku jaga pengelikun
enda mudah ngeracun
laban ditu meh
pengerembai, penyangkai, pengkalan, menasan
endur aku berteduh
ngiga pemakai, ngiga penyamai

Malaysia,
Ditu meh pengerembai pengerindu sereta penyayau
Merdeka
Merdeka
Merdeka…….




Terima kasih, 

No comments:

Post a Comment